أصلها مش حكاية حلوة و خلاص دي حكاية حب و صدق و اخلاص

أصلها مش حكاية حلوة و خلاص
دي حكاية حب و صدق و اخلاص
و قلب يدق باسمك بوضع خاص
و عيون ما تشوفش النوم خالص
الا لما تطمن عليك من زمان لصاص

و مش كلام مرصوص بيقوله شاعر
ده احساس لمسك وفاض بالمشاعر
كتبه الوجدان علي قلبك الشاعر
نثر و قصيد قاصد حبيبك بحب واعر
مش اتلاقيه في كتب أعظم شاعر

و الغالي مش هدايا تغليها ع الدنيا
دي تكفيها وردة و ما تحسبهاش شوية
لو حاملة حبك تغلي ع الدنيا
و لو حاملة لهفتك تلهية ع الدنيا
أصل الحب يا صديقي حياة مش هدايا