للهم انصر فلسطين اللهم هون عليهم

هو الوطن كان حزين
ما غزة مضروبه من يومين
وافتكرنا بعد ماتش البرازيل
فجأة انها تحت الحصار
ما هى من سنين
واحنا واقفين ومدلدلين روسنا
ومنرفعهاش غير بس
اما نسمع
ان فيها قصف
شكراً بجد
لكل كلمتين
قالهم صاحب مزاج
حس بوجع لما شاف
كام صورة
عبر الشاشات
بجد يا ريتنى راجل
يمكن كنت اكون جدع
واعمل اى حاجه غير الكلام
والتمتمه بألغاز
زى كلام العرافين
واقول انصر يارب
عبادك اللى
انت يارب
عارف اد ايه محتاجين جبريل
والرسول وخلفه كله الانبياء
اكيد
واقفين حزانا
اكيد صوت الرصاص
عامل صدا
عند صدرة المنتهى
اكيد فى اشارة اوامارة
العدل بيها
ممكن يحل
مفروض علينا
مع صلواتنا
لما اليك عرج خير الانام
غزه تنتحب
اصل معاد العزاء
مش واجب
وبس
اصله فرض
ولازم لازم
ينقضى
اللهم انصر فلسطين
اللهم هون عليهم