امبارح بالليل قررت اعرف الغلط ف مين ، يعني ليه الناس كلها بقت ماسكة لبعض ع الواحدة ؟
وليه كل الخلق روحهم بقت ف مناخيرهم وقررت اعرف احنا شعب عدواني ولا لأ
اشتريت العصر النهاردة ب3 جنيه ملبِّس وانا رايح مشوار لمدينة " أكتوبر " وحطيتهم ف جيبي
اديت واحدة للراجل اللي كان واقف معايا ف ميدان لبنان مستني الميكروباص .. واديت واحدة للسواق .. واديت واحدة للمحل اللي جبت منه كارت شحن لما نزلت اكتوبر . واديت واحدة لست طلبت مني حاجة لله . وواحدة لعامل ف كافيه وخلصت اتنين على الميكروباص اللي رجعّني للتحرير واكتشفت ان كلهم ضحكولي وشكروني وبعضهم اداني حاجات ف المقابل فرحتني
الخلاصة : هادوا بعض بحاجة بسيطة وجربوا نتايج مذهلة وابتسامة حقيقية ويوم مختلف
موضوع: ههههههههههههههههههه #حدث_بالفعل 