اجبر بخاطر الناس ربنا حيبعت لك ال يجبر بخاطرك ويطبطب عليك

لما تلاقي حد لابس لبس جميل أو شيك ابتسم في وشه وقول له شكلك جميل النهارده .... لما تشوف حد كان بيحاول يخس من فتره و مش عارف وخس شويه شجعه وقوله برافو بان عليك .... لما حد يتكلم معاك في حاجه بالنسبه له مهمه ، تعالى على نفسك وبوص له وحسسه انك مهتم بكلامه حتى لو كان الكلام بالنسبه لك ممل... لما حد يأخد رايك في حاجه حتى لو تافهه ، انصحه واصحى الصبح اسأل عليه وتابع معاه و قوله عملت ايه... لما يكون في حد في معارفك وحيد وانت عارف ان ملوش حد ولا اصدقاء، جرب ترفع السماعه وتكلمه تطمن عليه وتقوله لو احتجت حاجه انا موجود .... بخل المشاعر اوحش انواع البخل ..... ونبيك عليه الصلاة والسلام قالك (تبسمك في وجه اخيك صدقه... والكلمه الطيبه كالشجره الطيبه اصلها ثابت وفرعها في السماء) .... اجبر بخاطر الناس ربنا حيبعت لك ال يجبر بخاطرك ويطبطب عليك